Askorendako ezaguna da Galartzako Etxezuri baserria, bereziki han egiten duten gazta eta ogia etxe askotan kontsumitzen delako. Bada, gaur arratsaldean baserri ondoan duten eraikinean sutea izan dute, hain zuzen, ogia egiten duten tokian. Labe inguruan izan dute sutea, eta ondorioz, Legazpiko eta Oñatiko suhiltzaileak bertaratu dira sua amatatzera –19:35ean adierazi diote GOIENAri bertan lanean dabiltzan suhiltzaileek lanak amaitzear zituztela–. Nahiz eta sutearen ondorioz suhiltzaileekin batera anbulantziak ere bertaratu diren, ez da zauriturik egon. Hala, bihar goizean, egun argiz, baloratu ahal izango da hobeto kalteak zenbaterainokoak izan diren.
Galartzako Etxezuri baserri ondoko eraikinean izan da sutea, ogiak egiteko erabiltzen duten labearen ondoan. Oñatiko eta Legazpiko suhiltzaileak bertaratu dira eta baita anbulantziak ere, nahiz eta ez den zauriturik egon. 19:35ean sutea kontrolpean dute suhiltzaileek, eta azken lanetan dihardute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak