Gipuzkoako Lan Behategiak gaur eman ditu urriko langabezia datuak eta iraileko datuekin alderatuta bilakaeran ez da gorabehera nabarmenik izan.
Herriz herriko egoerari erreparatuz gero, honako hauek dira datuak: Antzuolan, 49 pertsona daude lanik gabe, orain dela hilabete baino zazpi gutxiago; Aretxabaletan, 202 dira (+8); Arrasaten, 1.138 (-8); Bergaran, 504(-8); Elgetan, hemezortzi (=); Eskoriatzan, 170 (+15); eta Oñatin, 306 (+5). Horrez gain, Leintz Gatzagan ez dago langabe bat bera ere, eta bost baino gutxiago dira Aramaion.
Urteko bilakaerari erreparatuz gero, langabetu kopuru handieneko hirugarren hilabetea da urria (2.395 lagun). Abuztua (2.535) eta urtarrila (2.399) ditu aurretik. Langabetu gutxieneko hilabeteak maiatza (2.320) eta ekaina (2.329) izan dira.