Debagoieneko Energia Bulegoan argindarraren edota gasaren fakturaren inguruko informazioa emango zaie herritarrei, baita elektrizitatearen eta gasaren merkatu arautuen zein libreen gaineko xehetasunak ere. Honako hauek dira bulegoak eskaintzen dituen zerbitzuak:
- Fakturen azterketa.
- Energia aurrezteko aholku orokorrak ematea.
- Laguntza ekonomikoak lortzeko aukerak dauden aztertzea (bonu sozialak, GLL eta bestelakoak).
- Energia berriztagarrien inguruko informazioa ematea, bereziki norbanakoaren autokontsumoaren eta autokontsumo partekatuaren aukerak azalduz.
- Herrian dagoen energia komunitateari buruzko informazioa ematea.
Bulegoa doakoa eta ibiltaria da, eta herri guztietan egongo da irekita honako ordutegi hauetan: astelehenetan, Eskoriatzan (09:00-14:00): astearteetan, Arrasaten (09:00-13:00) eta Aretxabaletan (14:30-17:30); eguaztenetan, Oñatin (09:00-14:00); egunetan Elgetan (09:00-13:00) eta Bergaran (14:30-17:30); eta egubakoitzetan, Antzuolan (09:00-14:00). Leintz Gatzagan ere egongo da zerbitzua, aurretik hitzordua eskatuta. Horrez gain, kontsultak egiteko aukera egongo da honako kanal hauetatik: 747 48 51 47 telefono-zenbakira deituta, energiabulegoa@debagoiena.eus helbidera idatzita edo energiabulegoa.debagoiena.eus webgunearen bitartez.
Zatoz eta piztu aldaketa!