Kudeaketa Aurreratuaren Europako Astea da honako hau. Euskalitek antolatua, Astezaleak izena hartu du Euskal Autonomia Erkidegoan, eta eguaztenean abiatu zuten, Bilboko BAT Dorrean egindako inaugurazio-ekitaldiarekin; erakundeen adimenean eta ikaskuntzan nazioarteko aditu Javier Martinez Aldanondok egin zuen.
Bi aste iraungo du
Astezaleak ekimenak EAEn, eta urriaren 22ra arte 35 ekitaldi izango dira 50 erakunde antolatzaile ingururen eskutik. Goienak bat egin du ekimenarekin. Ekitaldi gehienak Bilbon egingo dira, baina baita Gasteizen, Donostian, Zamudion, Getxon, Santurtzin, Eibarren eta Durangon ere.
Egitarau osoa eskuragarri dago Euskaliten webgunean. Astezaleak ekimenak kultura inklusiboan eta adimen kolektiboan oinarritutako kudeaketa ereduak aplikatzen dituzten erakundeak bultzatu nahi ditu; izan ere, kudeaketa aurreratua funtsezkoa da ingurune aldakor batean bereizteko.