15 urte bete ditu MusikaZuzenean ekimenak eta urteurrena ospatzeko 15 egun 15 kontzertu egitasmoa martxan jarri du martxan, urriaren 5etik urriaren 19ra arte. Euskal Herri osoan zehar egongo dira musika emanaldiak, eta horien baitan Debagoienean ere izango du geldialdia egitasmoak.
Oñatin, urriaren 9an, ostegunean, emanaldiak egongo dira Antixena gaztetxean. Aiert, Negu Hurbilak, Ane eta Marti eta Sukena arituko dira agertokiaren gainean. Saio kolektiboa izango da eta artista bakoitzak bi kantu eskainiko ditu. Ekitaldia 19:00etan hasiko da.
Urriaren 13an, astelehenean, Arrasaten egingo du geldialdia egitasmoak, Irati tabernan hain zuzen ere. Amorante eta Gartxot arituko dira, 19:00etan hasita.
