Lanketa abian da eta hainbat bilera egin dituzte dagoeneko. Lehenengoa maiatzean egin zuten, hezkuntza formaleko ordezkariekin. Bigarrena, irailaren 24an izan zen, Eskoriatzako kultur etxean eta bi herrietako 27 eragile elkartu ziren orduan, hezkuntza ez formaleko ordezkariak barne. Saio horretan lehen bilerako emaitzak partekatu zituzten, ekarpenak jasotzeko eta oniritzia emateko.
Hurrengo urratsa bi herrietan hezkuntza arloan dauden hutsuneak identifikatzea izango da, horretarako diagnostiko bat eginda. Ondoren, erronka nagusiak zeintzuk diren zehaztuko dituzte eta horiei erantzuteko lehen urteko plana diseinatuko da. Amaitzeko, hezkuntza sareak izan beharreko koordinazio eta funtzioak zehaztuko dituzte. Prozesuak abendura arte iraungo du.