Lehiaketako epaimahaiak lau argazki aukeratu ditu; eta herritarrek Publikoaren Saria banatu dute beraien botoekin. Zorionak irabazleei eta eskerrik asko parte hartzaile guztiei!
392 argazki jaso dira aurtengo edizioan, eta ez dute lan makala izan epaimahaikideek lehiaketan parte hartu duten argazkien artean soilik lau aukeratzeko. Publikoaren Saria hautatzeko bestalde, 180 balizko boto jaso dira, eta oso parekatuta egon da.
1. saria
Iñaki Zenitagoia Pildainek bidalitako argazkia, Ilunabarra Udalatxen, aukeratu du epaimahaiak 1. sariko irabazle moduan. Arrasateko eta Bergarako Halcon Bidaiak-en eskutik, Landetxe batean bi pertsonarendako gaua eta gosaria irabazi du.
2. saria
Aritz Gordo Perezek Kantabrian ateratako selfie-a izan da epaimahaiak 2. sarirako hautatu duena. Gure Ametsa jatetxean bi lagunendako otordua jasoko du sari moduan.
3. saria
Tarragonan, ur azpian, Ekain Muñoz Oñatibiak ateratako udako argazkiarentzako izan da 3. saria. Arrasateko Eroski hipermerkatuari esker, Samsung Galaxy A05s eskuko telefonoa lortu du.
Gazte Saria
Aurtengo kategoria berrian, Paule Kalboetxeagak lortu du saria Donostian ateratako argazki batekin. Intersport-Loramendiren eskutik, mendirako McKinley saria: motxila + bastoiak + kantinplora jasoko ditu.
Publikoaren Saria
Oihane Gurruchagaren Portugal argazkiak lortu ditu boto gehien. Eta hala, Bergarako Elikaeneari esker, bertako eta kalitatezko produktuen saski ederra jasoko du.
