Desgaraian taldeak bertsionatutako Wafa kantuan hartu du parte Idoia Asurmendi aramaioarrak. Wafa Idris erizain eta militante palestinarraren memoria ohoratzeko kaleratu du taldeak, 2002an Tapia eta Leturiak argitaratu zuten abestiaren bertsioa. Euskal Herriko hainbat abeslarik hartu dute parte, tartean Idoia Asurmendik.
Aramaioarraz gain, Olaia Inziarte, Eñaut Elorrieta, Elene Uribarri eta J Martinak hartu dute parte kantuan. Palestinako Ilargi Gorrian aritu zen boluntario Wafa Idris, eta 2002an, 28 urterekin, bere burua bonba batekin zartarazi zuen. Halako ekintza bat egin zuen lehen emakume palestinarra izan zen. Palestina ordurako sufritzen ari zen kolonizazioa eta sarraskia salatzea zituen helburu.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.