Partiduaren hasieratik Azpeitiko taldeak hartu zuen norgehiagokaren gidaritza eta lehen laurdenean 11 – 19 nagusi izan ziren, atsedenaldian 19 punturaino handitu zen aldea, (20-39). Atsedenaldiaren ostean Smartlog Ointxek bere minuturik onenak jokatu zituen eta Azpeitiko taldearen aurrean lehiakorrak izan ziren, 20-26ko partziala lortuz eta sentsazio onak utziz.
Baina azken laurdenean berriz ere Azpeitikoek aulkian zituzten jokalariei minutuak emanez –oso ordezko onak dituzte– eta indar fisikoa erakutsiz 44-80koa jarri zuten markagailuan.
Liga hasteko bi aste falta direnean, Smartlog Ointxek lagunarteko txapelketa jokatuko du datorren asteburuan Barakaldon, Joana Domingos jokalari angolarrak Arrasatera bidaiatu ahal izateko arazo administratiboak konpontzen diren ala ez jakiteko zain.