Asteburuan pilota jaialdi bana izango da Oñatin eta Elgetan. Oñatikoa gaur, egubakoitza (18:00, Zubikoa), Udako Master Cup txapelketa barrukoa izango da, eta finalerdiak jokatuko dituzte. Gazte mailako partidu bat eta elite mailako bi jokatuko dituzte. Eta horietako batean Maddalen Etxegarai egongo da. Eta domekan jokatuko dute, Elgetan, Udara Caixa Bank txapelketa (17:30): Infantek eta Galeanok Oskoz eta Orbegozo izango dituzte aurrean.
Bestalde, hastera doan Hiru Hiriburuak txapelketan, elite mailan, hiru debagoiendar izango dira: Irati Betegi, Maddalen Etxegarai eta Arrate Bergara.