Ia 23 hilabetean –2023ko urritik, alegia– 220 kazetari hil ditu Israelgo armadak Gazan (azken erasoa, hain zuzen ere, abuztuaren 25ean izan zen: bost kazetari hil zituzten), Mugarik Gabeko Kazetariak erakundeak emandako datuen arabera, eta, horrenbestez, Israelgo armadak erritmo horretan jarraitzen badu kazetariak hiltzen, laster ez da bakar bat ere geratuko Gazan zuri informazioa emateko lelopean egin dute deialdia. Hala, beharrezkotzat jo dute nazioarteko mobilizazio bat egin eta ehunka komunikabide mobilizatzea.
Erakundearen deialdiarekin bat eginez, minutu bateko isilunea egin dute Goienako langileek eguerdiko hamabietan.