2025-26 futbol denboraldirako egutegiak kaleratzen hasi dira dagoeneko. Hirugarren Mailakoa irailaren 7an hasiko da, eta UDAk Zarautzen jokatuko dute lehen jardunaldia. Maiatzaren 10era arte, 34 jardunaldi izango ditu kategoria horrek.
Ohorezko Erregionala
Bestalde, aste bat beranduago hasiko dute Ohorezko Erregional maila. Mondrak eta Bergarak etxetik kanpo jokatuko dute lehen partidua: arrasatearrek Orion eta bergararren Elgoibarren.
34 jardunaldi izango dute kategoria horrek, eta bi derbi izango ditu Debagoienean. Azaroaren 23an, hamaikagarren jardunaldian, jokatuko da lehena, eta Agorrosinen izango da. Aldiz, 28. jardunaldian, martxoaren 29an, jokatuko da itzulerakoa, Atxabalpen.
Oraindik ez da ezagutzen Erregional Preferentearen egutegia.
Debagoiena Bailara eta Bergara
Era berean, emakumezkoen Ohorezko Erregionalaren egutegia ezagutarazi du Gipuzkoako futbol federazioak. Txapelketa irailaren 21ean hasiko dute, eta Debagoiena Bailarak etxean hasiko du liga, Landetxaren kontra; eta Bergarak Oriokora egingo du bisita.
Emakumezkoen derbia urrian eta martxoan izango dira: urriaren 26an, Bergaran jokatuko dute, eta martxoaren 8an, Oñatin.