Alerta laranja 13:00etatik 20:00etara ezarriko dute. 38 gradutara irits daitezke termometroak lurralde osoan. Kostalderako 32 graduko maximoak aurreikusi dituzte, eta 37koak Bizkaiko eta Gipuzkoako barnealdeetan.
Alerta laranjaz harago, abisu horia ere ezarriko dute, baso-suteak izateko arriskuagatik.
Euskalmeten arabera, eguaztenean behera egingo dute tenperaturek. Bereziki barnealdean jaitsiko dira nabarmenago, eta maximoak 30 eta 34 gradu artean kokatuko dira.