Debagoieneko langabezia datu orokorra igo egin da ekainetik uztailera: 48 langabe gehiago daude eta bataz bestekoa %7,82tik (ekainean) %7,98ra (uztailean) igo da. Hala, herrika begiratuta, langabezia igo egin da bailarako herri guztietan, Elgetan eta Oñatin izan ezik. Gutxi bada ere, bi horietan langabe gutxiago zeuden uztailean.
Gipuzkoako Lan Behategiak emandako datuen arabera, 56 langabe zenbatu dituzte Antzuolan, aurreko hilabetean baino bost gehiago; Aretxabaletan, 202 dira, lau gehiago; Arrasaten, 1.137, 30 gehiago; Bergaran, 499, 7 gutxiago; Eskoriatzan, 167, zortzi gehiago; eta Oñatin, azkenik, 289, sei gutxiago, eta Elgetan, 24 dira langabeak, bat gutxiago.
| Herria | Maiatzeko langabezia kopurua | Ekaineko langabezia kopurua | Uztaileko langabezia kopurua | Uztaileko langabezia tasa |
| Antzuola | 52 | 51 | 56 |
%5,18 |
| Aretxabaleta | 198 | 198 | 202 | %5,88 |
| Arrasate | 1.081 | 1.107 | 1.137 | %11,39 |
| Bergara | 511 | 492 | 499 | %7,01 |
| Elgeta | 23 | 25 | 24 | %4,46 |
| Eskoriatza | 165 | 154 | 159 | %7,99 |
| Oñati | 300 | 295 | 289 | %5,32 |
| Leintz Gatzaga | <5 | <5 | <5 | |
| Aramaio | <5 | <5 | <5 |