2015ean Donostiako Olatu Talka jaialdiaren baitan elkartu ziren lehen aldiz konpainiako dantzariak, modu puntualean, eta jada hamar urte dira sorkuntza propioak kaleratzen hasi zirenetik, zuzeneko musikaren erritmora eta euskaldunon estereotipoak ebidentzian jarrita. Majo izerditzen dabiltza asteotan, Haurreskolari emanaldia plazaz plaza aurkeztuta. Izenburua haur, aurreskulari eta eskola hitzen batuketan oinarrituta, eskolara itzuli den kuadrilla gorpuzten dute gizonezko dantzariek.
Udazabal egitarauaren baitan, tradizioaren eta umorearen arteko nahasketaz gozatuko dute hilaren 18an, 20:00etan, arrasatearrek, gizonezkoz osatutako dantzari taldearen eskutik. Haurreskolari ikuskizuna Aretxabaletan ere erakutsiko dute asteburuan; domekan izango da, Belorrieta plazan, 20:00etan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak