Gure gainetik izarrak zabalik lelopean, Udabentura egiten izan dira Eskoriatzako gaztelekuko nerabeak. Ozetan hasita, Garaionera joan eta martitzenean hasi zuten abentura Eskoriatzako, Aretxabaletako eta Arrasateko nerabeek.
Lau kanpamentutan
"Lehenengo hiru egunetan Gaztekonkis egin dugu. Kanpamendu ezberdinetan banatu genituen nerabeak, eta probak ere egin genituen. Lo-lekua jokatu zen, bazkari edo afaria eta gosaria. Lau kanpamendutan banatuta izan ziren; tipietan egin zuten lo lehenengoek; bigarren eta hirugarren taldeak kanpin dendetan, eta laugarrenek basoan, vivak-etan", adierazi du Irati Unanuek, Eskoriatzako gaztelekuko hezitzaileak.
Bestelako ekintzak
Gaztekonkis amaitutakoan, ohiko udalekuak egin dituzte, eta bihar amaituko dute egonaldia. "Gebaran gaua pasatzen izan gara, bizikletan ibilaldia egin dugu, jolasak eta tailerrak", gaineratu du Unanuek.