BNI Aukera Debagoiena taldeak zortzigarren urteurrena ospatuko du bihar, hilak 11, Arrasateko Gairaia parke teknologikoan. Martxan daramatzan zortzi urte hauetan 3.000 erreferentzia baino gehiago sortu dira eta 5,5 milioi eurotik gorako fakturazioa eragin da kideen artean.
Urteurren honetan, taldeak bere konpromiso soziala indartu nahi izan du, eta Mundukide eta Amsogra Nicaragua irabazi-asmorik gabeko erakundeei euren sarea aurkezteko aukera eskainiko die. Ekitaldia Debagoieneko enpresa eta komunikabideei zabalik dago. BNI Debagoienak gizartearekiko konpromisoa azpimarratu nahi du.