Gipuzkoako 27 herri eta auzotako kideak elkartuko dira eskola txikien komunitatearen topagune izango den honetan, eta ateak zabalik dituzte ospakizunarekin bat egin gura duten guztiendako.
Haurrendako eskulanak, jolasak, puzgarriak eta aurpegia margotzeko txokoak egongo dira, besteak beste. Ekintzen artean, gainera, Oñatiko Potx eta Lotx pailazoen saioa egongo da. Lagunekin topa! ikuskizuna eskainiko dute, 17:30ean.
Debagoienean, eskola txiki bakarra dago gaur egun eta Angiozarkoa da. Eskolako komunitateak bat egingo du Gipuzkoako Eskola Txikien jaiarekin eta autobusak antolatu dituzte Ezkio-Itsasora.