Arrasateko Udalak, Ederto-Harakel Gipuzkoako Harakinen Elkarteak eta Dendartean Gipuzkoako Merkatari Elkarteen Bilkurak antolatutako ekimena izango da, eta ekainaren 14an jokatuko da Arrasaten. "Tokiko ostalaritzaren lana balioan jartzea eta egiten dituzten tripakien kalitatea eta originaltasuna saritzea" dira lehiaketaren helburuak, eta Debagoieneko taberna eta jatetxe guztiek izango dute parte hartzeko aukera.
Lehiaketako irabazleak txapela eta garaikurra eskuratuko ditu; bigarren eta hirugarren sailkatuek, aldiz, garaikurra soilik.
Izen ematea zabalik ekainaren 6ra arte
Parte hartzen duen taberna eta jatetxe bakoitzak tripaki errazio bat aurkeztu beharko du lehiaketan, eta izan daiteke ohiko kartan dutena edo lehiaketarako prestatutako proposamen berezia. Aurkeztutako tripakiek komertzioko kartan egon beharko dute, gutxienez, uztailaren 12ra arte. Izen ematea zabalik dago ekainaren 6ra arte.