Hilaren 17an, zapatuan, izan zen Artzain Txakur Txapelketaren lehendabiziko hitzordua eskualdean, Aretxabaletako Otala Zelai alboko zelaian. Sei parte-hartzaile izan ziren euren txakurrekin lanean, eta horien artean ziren Asier Dacosta eta Javier Gastañaga aretxabaletarrak, eta Javierren semea den Xabier Gastañaga antzuolarra; hala ere, hiruetako batek ere ezin izan zuen txapela eskuratu. Manuel Gorriti izan zen irabazlea, Izar txakurarrekin, eta hurrenez hurren izan zituen: Mikel Pagazortondua, Lay txakurrarekin; Javier Gastañaga, Cool-ekin; Pello Segurola, Kay-rekin; Asier Dacosta, Haize-rekin; eta Xabier Gastañaga, Sandy-rekin. (Argazki galerian dituzue Aretxabaletako argazkiak)
Domekan, berriz, hilaren 18an, Antzuolan egin zen txapelketa, baina hemen ere ezin izan zuten garaipenik eskuratu debagoiendarrek. Juanjo Garate izan zen irabazlea, Tina txakurrarekin, eta ondoz ondo sailkatu ziren; Bittor Bengoetxea, Pupi-rekin; Javier Gastañaga, Cool-ekin; Xabier Gastañaga, Sandy-rekin; Asier Dacosta, Haize-rekin; eta Mikel Garaiar, Lindu-rekin.
