Aloña Mendik Mondraren aurkako derbian berdindu egin zuen, eta ez zien emaitza horrek lasaitzeko tarterik eman, nahiz eta Hernaniren aurka 2-0 irabazi. Liga bukatzeko geratzen diren hiru partiduetan hurrena Deusto izango du aurkari, etxetik kanpo, gaur, 21:00etan. Irabazi beharra dute Gotzon Urzelairen mutilek, mailari eutsi nahi badiote. Izan ere, Deustukoak puntu bakarrera dituzte, eta, Aloña Mendi azken aurreko postuan egonda, hiru puntuak lortzea beharrezkoa dute, zulotik irteteko.
Mondra, urduri
Mondra, sailkapenean gorago dagoen arren, ezin da gora begira egon; izan ere, hamabigarren postuan dago, eta datozen hiru jardunaldietako taldeek puntu gehiago dituzte. Batez ere, bihar jokatuko duten partidua izango da garrantzitsua. 16:30ean Mojategin jokatuko dute, hamaikagarren postuan dagoen Tolosaren aurka, eta garaipena lortzeak asko lagunduko die.
Bergara, lasai
Bergarak galdu egin ditu azken bi partiduak, baina, mailari eutsita, aurkari gogorra izango du zapatuan. Zumaiako izango du aurkari, 16:30ean, Agorrosinen.
