Domekan jokatu zuten Euskadiko Plater Tiraketa Txapelketa, foso unibertsalaren modalitatean, Irungo San Martzial tiro eremuan. Aramaioko Kurtzetagain elkarteko Unai Axpe arrasatearra nagusitu zen 100 plateretatik 97 botata.
Aramaioko Kurtzetagain elkartetik bost bazkidek hartu zuten parte domekako txapelketan. Hala, Unai Axpek lortu zuen txapela 100 plateretik 97 apuruta. Bigarrena izan zen Xabier Azpeitia 100 plateretatik 94 jota, eta marka berarekin, hirugarrena izan zen Ibon Agirre.
Beteranoen mailan, Juan Luis Nafarrate aramaioarra bigarrena izan zen 100 plateretatik 91 botata.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.