Hezkuntza Sailak proposamen bat bidali die sindikatuei, pasa den astean izandako bilerari erantzunez. Azken horiek, aldarrikatutako edukiei ez diela erantzuten adierazi dute eta ez dutela aipatutako proposamena sinatuko. Hori izan da greben dinamikarekin aurrera egiteko arrazoia.
Orain arteko grebetan 2010ean egin zen hitzarmena negoziatu eta aldatzeko beharra ukaezina dela adierazi diete Hezkuntza Sailari, baina hauen jarrera "itxia" dela salatu dute sindikatuek, "ez dituzte negoziatzeko aukerak aprobetxatu eta blokeoa luzatzen dabiltza".
Hori guztia kontutan hartuta "mezu argiak" helarazi nahi dizkiete jarraian datozen grebetan: lan-zamak arintzea; erretiroa hartzeko baldintzak hobetzea; enplegu publikoa bermatu eta lanpostuak egonkortzea eta hezkuntza publikoko sistema osoa euskaldunduko duen hezkuntza politikak abiaraztea, besteak beste.
