Mondragon Taldeko ordezkariekin bildu da EH Bildu aste honetan, "ziurgabetasun garaiotan kooperatibek bizi duten egoera gertutik ezagutzeko" asmotan, Pello Otxandianoren, EH Bilduko legebiltzarkidearen, hitzetan. "Ziklo ekonomiko berrian herri honek dituen aukeraz aritu nahi izan dugu", azpimarratu du sare sozialetan. Hala ere, Otxandiano ez da izan EH Bilduren izenean parte hartu duen ordezkari bakarra, han izan baitira Maddalen Iriarte Gipuzkoako bozeramailea, Nerea Kortajarena Programa idazkaria eta Ander Goikoetxea industria arduraduna ere.
Mondragoneko ordezkaritzari dagokionez, berriz, batzarrean izan dira Pello Rodriguez lehendakaria, Olatz Imaz zuzendari finantzarioa eta Zigor Ezpeleta gestio sozialeko zuzendaria.
