Antzuolako, Elgetako, Bergarako, Aretxabaletako eta Eskoriatzako 7 eta 12 urte bitarteko ikasleek gustura jardun dute dagoeneko Goiena telebistan eta Goiena.eus atarian ikusgai dauden Kantari saioetan.
Datozen hilabeteetan, bada, saio gehiago grabatuko dituzte eskualdean; Arrasateko Amaia antzokian eta Oñatiko gaztelekuan, hain justu. Aurreko grabaketetan egin duten moduan, 7 eta 12 urte bitarteko gazteek izango dute parte hartzeko aukera, eta hiru, lau edo bost laguneko taldeetan batuta.
Apirilaren 6ra bitartean
Grabaketa egunak guztiz zehazteke daude, eta, aurretik, entseguak egingo dituzte: Arrasaten, maiatzaren 10eko eta 17ko asteburuetan; eta Oñatin, maiatzaren 24ko eta 31ko asteburuetan.
Izena emateko azken eguna apirilaren 6a da, eta online egin behar da, Goiena.eus atariko Kantari kanalean. Parte-hartzaile bakoitzak bere izen-emate orri propioa bete behar du.
