Mendi lasterketetako Munduko Kopa martxoaren 22an hasi zen. Lide Urrestarazu, Aitor Blanco eta Aitor Ajuria izan ziren Euskal Selekzioaren ordezkariak, Merrell Skyrunner World Series-eko lehen proban: 29 kilometroko eta 2.000 metroko desnibel positiboko lasterketa.
Emakumezkoen kategorian, Lide Urrestarazu podiumeko postuen lehian jardun zuen lasterketa osoan zehar, azken zatiraino postu pribilegiatuetan mantenduz. Hala ere, hamar segundoren alde txikiagatik, podiumeko lehenengo hiru postuetatik kanpo geratu zen, laugarren postuan amaituz, Oihana Kortazar elgetarraren atzetik. euskaldunaren atzetik.
Gizonezkoen lehian, Aitor Ajuria gatzagarrak lasterketa bikaina egin zuen, ibilbidearen zati handi batean podiumeko postuetan mantenduz, Roberto Delorenzi eta Luca Del Pero gertutik jarraituz. Baina, azken bi kilometroetan hainbat postu galdu zituen eta, zortzigarren bukatu zuen. Bestalde, Aitor Blanco lasterketa erregularra egin zuen, hasieratik, eta hamargarren postua eskuratu zuen.
Merrell Skyrunner World Series-eko hurrengo proba Malagan jokatuko dute.
