Lagun kuadrilla ederra elkartu zen atzo Ttakun txalaparta elkarteak Aramaioko Unzueta sagardotegian antolatutako Txotxparta jaian. "Bi txalaparta eraman genituen. Trikitilariak ere egon ziren eta albokariak ere bai. Oso ondo pasa dugu eta jendea oso oso gustura egon da", azaldu du elkarteko Gorka Zubizarretak.
Kantuan eta dantzan
Sagardotegian afaltzeaz gainera kantuan eta dantzan ere ibili ziren eta bi txalaparta eraman zituztenez hainbat izan ziren jotzera animatu zirenak. 45 laguneko taldean arrasatearrak, aretxabaletarrak, eskoriatzarra, aramaioarrak eta antzuolarrak izan ziren.
