Arizmendiarrieta sarietako epaimahaikideek 2025eko Enpresa kategoriako eta Irabazi Asmorik Gabeko Erakunde kategoriako irabazleak iragarri berri dituzte. Ekainaren 17an, Donostiako Deustuko Unibertsitateko fakultatean, Enpresa kategoriako Grupo Egile eta Lanik enpresak izango dira sarituak, baita irabazi-asmorik gabeko erakundeen kategoriako Katea Legaia eta Gautena ere.
Bi kategoria horietan, balio humanistak aplikatzeagatik nabarmentzen diren erakundeak eta eredu inklusibo parte-hartzaileak bultzatzen dituzten erakundeak saritzea da Arizmendiarrieta sarien helburua. Irabazi-asmorik gabeko kategorian, Katea Legaia erakundeak desgaitasuna duten pertsonak eta gizarte enplegu-bazterkeria egoeran dauden pertsonak laguntzen ditu Gipuzkoan; Debagoienean, Aretxabaletako Bainetxe industrialdean du lantegia. Bigarren irabazlea den Gautena erakundea autismoaren espektroko nahastea duten pertsonen senideen elkartea da, eta familia haiei laguntza eta aukera egokiak eskaintzea helburu duen erakundeak Arrasate pasealekuan du egoitza.
Arizmendiarrieta Kristau Fundazioa, Adype, Zuzendari Antolakuntza eta Euskadiko Profesional erakundeak izan dira aurtengo antolatzaileak, besteak beste, Gipuzkoako Foru Aldundiaren, Deustuko Unibertsitatearen tea Gipuzkoako Ganberaren laguntzarekin.
