Urrezko Ligaxkako azken jardunaldia jokatu zen joan zen domekan, martxoaren 16an, Elgoibarko pilotalekuan, eta Master Laboral Kutxa txapelketako Eskuz Binakako Txapelketako finalerdietan jokatuko duten bikoteak zeintzuk diren zehaztu zuten. Hain zuzen, Uxue Oses oñatiarra da pilotari horietako bat, Goiuri Zabaleta bikotekide duela; aurkari, berriz, Arrate Bergara bergararra izango du, Olatz Arrizabalagarekin batera.
Bigarren partiduan, berriz, Madalen Etxegarai oñatiarra izango da bailarako ordezkaria, Miriam Arrillagarekin batera arituko baita finalerdietan; aurrez aurre, Mirian Arraizak eta Enara Gamindek osatutako bikotea izango dute.
