Errigoraren udaberriko Eskutik Eskura kanpaina hasi da gaur, Beste modura, denona da onura lelopean. Martxoaren 26ra arte, Nafarroako erdialdeko eta hegoaldeko produktuak eskatu ahal izango dira errigora.eus webgunean. Nafarroan ekoitzi eta landatu diren elikagaiak salduko dira Errigorak eskainitako sortetan, eta, horren bidez, kanpainak era jasangarrian euskal "lurraldeen arteko lotura" ekonomiko zein sozialak indartzea ditu helburu.
"Oliba-olio birjina estra, kontserbak, ardoa, arroza, pasta eta lekaleak" erosi ahal izango dira 2025eko lehenengo kanpainan, produktu bakoitza euskaraz etiketatuta eta jatorrizko prezioan. Aurten, elikagaien eskaintzari dagokionez, iazkoarekin alderatuz, arrozean, lekaleetan, almendretan, pasta-sortetan eta ardoetan eskaintza berriak sartu dituzte.
Lankidetza sustatzeko ekimena
Gaur egungo elikadura ekoizleen bitartekariak "kontsumo ereduaren onuradun nagusiak" direla ikusita, bide alternatibo horrek, Euskal Herriko tokiko "ekoizpenaren eta kontsumoaren arteko bitartekaritza-eredua" eraldatzearekin batera, "horien arteko zubiak" sortzen ditu. Lankidetza sustatzeko ekimenak "onuragarriak" dira ekoizleentzako, elikagai nafarrentzako eta Euskal Herriarentzako.
200 banaketa-gune
Produktuak Euskal Herriko zazpi probintzietako 200 herritan jasoko dira, "apiril bukaeran eta maiatzean", eta eskaerak webgune edo telefono bidez egin ahal izango dira honako telefono zenbakira deituta: 848 87 12 23.
