Arabako, Bizkaiko eta Gipuzkoako Ogasuneko eta Finantzetako diputatu Itziar Gonzalok, Itxaso Berrojalbizek eta Itziar Agirrek batera zehaztu dituzte neurri gehienak gaurko prentsa agerraldian. Hirurek balioa eman diote neurri horien garrantziari, haien esanetan, Euskal Autonomia Erkidegoan 1.038.841 zergadun izango lirateke-eta onuradunak. "Zifra handia da, kontuan hartzen bada lurraldeko biztanleria osoa 2,2 milioi pertsonakoa dela".
Proposamenetako batzuk dira errenta aitorpena egiteko gutxienekoa 20.000 eurora arte zabaltzea edota ohiko etxebizitza alokatzeagatiko kenkaria %35era igotzea, baita muga 2.800 eurora arte handitzea ere. "Etxebizitzaren sustapenari dagokionez, proposamenak hobaria hobetzen du, bitartekaritza publikoko etxebizitzen eta tentsiodun eremuetan dauden errentatzaileen errendimenduen % 60raino igoz".
Era berean, gizonei zuzendutako kenkari berri bat egitea ere proposatu dute, "lana eta bizitza bateragarri egiten eta zaintzarekiko erantzunkidetasuna bultzatzen laguntzeko". Sozietateen gaineko zergan, kenkari berri bat ere sortuko dute, "36 urtetik beherakoentzat eta emakumeentzat enplegua sortzea bultzatzeko".
Berrikuspen fiskaleko proposamenean jasotako neurri fiskaletako batzuen onura jasoko luketen zergadunak, diputazioek emandako datuen arabera, honako hauek izango lirateke:
