Bergarako eta Antzuolako Lemak eta Oñatiko Malko musika taldeak izango dira Katapulta Tour Gipuzkoako aurtengo edizioan. Formatu txikiko musika proiektuak eta arte eszenikoak babesteko ekimena da Katapulta Tour Gipuzkoa, eta Goizane Alvarez Kultura diputatuak dio programak "Gipuzkoako talentua" eta "lurraldeko eszena dinamizatzen laguntzea" dituela helburu.
Kultur sektorea profesionalizatzeko
Proiektuak abian daramatzan hamar urteetan, aurtengoak kontuan hartuta, 124 proiektu lagunduko ditu Katapulta Tour Gipuzkoa proiektuak, eta, Gipuzkoako kultur eragileak laguntzeko, haien profesionalizazio prozesurako horrelako apustuak egitea garrantzitsua dela dio Ane Abaldek, Kutxa Fundazioko arduradunak: "Gure ustez, ikusgarritasun eta prestakuntza aukerak konbinatzea funtsezkoa da, beren karrerak garatzeko eta Gipuzkoako kultur sektorea indartzeko".
Aurten, 148 proposamen jaso ditu programak: 128 musikalak eta 20 arte eszenikoetakoak. Haietatik hamar musika proiektu hautatu dira: zortzi musika proiektu eta arte eszenikoetatik bi: Ane Leux, Bobbi Relac, Lemak, Luke Armstrong, Malko, Nuria Culla, Peachy Joke eta Suite Sedaren proiektuak musika arloan, baita Amaia Elorza eta Joan Ferreren Aquí está todo eta Alain Zulaikaren eta Sergio Martinezen Twobascos piezak ere.
