Estrategiari dagokionez, hiru helburu izango dituela nabarmendu dute bilkuran: "Lurraldeko lehen indarra izatea, aldaketa eta berrikuntzaren eragile izaten jarraitzea, eta abertzaletasunaren etorkizuneko erronkei erantzutea".
Arrizabalagak konpromisoa hartu du gizartean, kulturan zein ekonomian sare berriak sortzeko, etorkizuneko abertzaletasunaren ikuspegi irekia ardatz.
Horrez gain, herrigintza "eraginkorra" egiteko beharra azpimarratu du, "epe motzeko arazoei erantzunez eta aldi berean ikuspegi estrategikoa izanez". Horri jarraituz, eskualdeko arazoei "erantzun egokia" emateko herritarrei "aktiboki entzuteko eta lankidetzan aritzeko" deia egin die, eta, bereziki, garraio zerbitzu publiko egoki baten aldeko apustua azpimarratu du egungo erronken artean.
