"Hiruma, Euskadiren arimara bidaia" lelopean aurkeztu dute gaur Madrilen Hiruma proiektua Dorleta Elkorobarrutia Debagoieneko Mankomunitateko lehendakariak, Ana Azkoitia Urola Erdiko Iraurgi Berritzeneko lehendakariak, eta Rosa Maiza Uria Garaia eskualdeko lehendakariak.
Elkorobarrutiak hiru eskualdeen lankidetza nabarmendu du: “Hiruma eskualdez gaindiko proiektua da, duela urte batzuetatik elkarrekin proiektuak bultzatzen ari diren hiru eskualdeen lankidetzatik sortua. Hiru helmugetako turismoa batera proiektatzeko marka turistikoa da, tokiko, nazioko eta nazioarteko merkatuan Euskadiko barnealdeko helmuga erreferente bihurtzea helburu duena".
Aurkezpenean, Hiruma euskal hiriburuetatik distantzia laburrera dagoen gune berde pribilegiatua dela indartu dute; "euskal kulturaren arima ehuntzen duten baliabide naturalak, ondarea eta tokiko produktua elkartzen diren gunea". Hirumak "euskal nortasun eta kultura propioaren sustraiak" nabarmentzen dituela ere adierazi dute.
