Debagoieneko Mankomunitateak martxan du Debagoiena ETE Digitala programa, enpresa txiki eta ertainek "epe motzera eraldaketa digitalerako banakako estrategia bermatzen duen plan bat" izan dezaten. Horretarako, aholkulari talde bat jarriko dute enpresen eskura doan, eta, hala, enpresen abiapuntuko egoeraren diagnostikoa eta azterketa egingo dute. Baita gehiago ere: "Eraldaketa plan bat eta bertan jasotako ekintzak ezartzeko teknologiak identifikatuko dira, eta definitutako proiektuetatik bat lehenetsi eta maila teknikoan lehen urratsak egingo dira".
Lehen pistak jasotzeko tailer bat izango da urtarrilaren 30ean, eguenean, Zure enpresan digitalizatu ditzakezun prozesuak identifikatu nahi dituzu? izenburupean, Mankomunitatearen Arrasateko egoitzan, 09:30etik 11:30era. Hemen da informazio gehiago.
