Fitur Nazioarteko Turismo Azokan Gipuzkoako bost erakargarri turistiko aurkeztuko ditu aurten Gipuzkoako Foru Aldundiak; horien artean, Debagoieneko, Urola Garaiko eta Urola Erdiko turismoa batera proiektatuko dituen Hiruma marka turistikoa. Helburua da "Euskadiko barnealdeko helmuga erreferente" bihurtzea. Azoka eguaztenean hasiko da eta hilaren 26ra arte luzatuko da.
Leintz Gatzagako alkate eta Debagoieneko Mankomunitateko lehendakari Doretta Elkorobarrutia eguaztenean joango da Madrilera Hirumaren aurkezpenean parte hartzera. Irungo Oiassoko termak eta Iruguruzetako meategiak, Euskal kostaldeko Geoparkeko Bira, Urola Kostako marka turistiko berria eta Zumarragako Hauspoa eta tunela dokumentala dira Gipuzkoatik azokara eramango dituzten gainontzeko erakargarri turistikoak.
