"Partidu ona, konpletoa eta ligan orain arte jokatutako serioena" izan da, arrasatearren entrenatzaile Ane Herreroren hitzetan. "Astean zehar lan ona egin dugu eta, horri jarraiki, diziplinatu aritu gara gaur" gaineratu du. Atezaintzan eta defentsan egindako lana nabarmendu du Herrerok.
Bergararren entrenatzaile Joseba Elortzak, ostera, "bere taldeak jaurtiketetan izandako efikazia faltari" egin dio erreferentzia. "Irabaztera joan gara, baina ez dugu helburua bete", gehitu du.
Lehen zatia izan da bien artetik erritmo handienekoa eta hala erakusten du egindako gol kopuruak ere: 14-15 joan dira atsedenera, eta 25-23 amaitu da neurketa.
Ligan lortutako bigarren garaipena izan da gaurkoa Herreroren mutilentzat. Bosgarren postuan zeuden bergararrek apur bat gehiago itxaron beharko dute goialdeko hiruetan sartu ahal izateko.
