Espainiako Ministroen Kontseiluak atzo onartu zuen Errege Dekretu baten ondorioz, Norberaren Konturako Langileen edo Autonomoen Gizarte Segurantzako Araubide Berezian (RETA) dauden kooperatibetako bazkideei, sistema publikoaren osagarri den prestazio sozialetarako sistema interkooperatibo bat badute, ez zaie aplikatuko 2023an indarrean jarri zen kotizazio eredu berria. Horixe da LagunAro BGAEren ksua. 2025eko urtarrilaren 1etik aurrera izango du eragina neurriak.
Errege Lege Dekretu hori hilabeteko epean baliozkotu behar du Espainiako Kongresuak. Hori aintzat hartuta, LagunAro BGAEtik adierazi dute eurek egindako eskaerei erantzuten dien neurrian, hau da, "berezitasuna aitortzea eta kapital higigarriaren etekinengatik kotizatzeko beharrik ez izatea", balorazio "oso positiboa" egiten dutela onartutako testuari buruz. Azaldu dute era berean, behin betiko testua izatean. LagunAro BGAEren Kontseilu Errektoreak landu beharreko hurrengo urratsak baloratuko dituela eta kooperatiba guztiei jakinaraziko zaiela lehenbailehen.
