Goienak Murun duen antena okertu egin du haizeak eta seinaleari eragin dio

Mirari Altube Arrese 2024ko urr. 10a, 13:02

Muruko antena, okertuta.

Muru mendian Goienaren telebista seinalea banatzen duen antena okertu egin zuen atzoko haize zakarrak. Horren ondorioz, TDT bidez ezin da ondo ikusi telebista Debagoieneko etxeetan. Seinalearen kalitatea bermatzeko konpontze-lanetan dihardute eta lehenbailehen konpontzea da asmoa. Dena den, kable bidez eta streaming-ez ikusteko ez dago inolako arazorik.