Zein da, gaur, Gipuzkoako txirrindularitzaren egoera?
Gipuzkoako federazioa Aldundiaren esku dago astelehenaz geroztik. Guk, berriz, egubakoitzeko batzarrean erabaki genuen protesta ekitaldi bat antolatzea urriaren 13an, Donostian. Izan ere, ezin dugu horrela jarraitu. Aldi berean, Jaurlaritzari eskatzen diogu berba egitera esertzeko. Egubakoitzeko batzarrean Gipuzkoako txirrindularitzaren interesak babestuko dituen lan-taldea ere aukeratu genuen.
Ondorio zuzena da, oraingoz, pistako eta ziklo-kroseko denboraldiak bertan behera geratzen direla.
Bai, klubak eta lasterketetako antolatzaileak nekatuta daude egoera honekin, eta egoera zuzentzeko Aldundiarekin eta Jaurlaritzarekin esertzen ez garen bitartean ez du merezi denboraldi berri bat hasteak. Oraingoz Gipuzkoako txirrindularitza geldirik dago.
