Sumarrek eta Se Acabo la fiesta alderdiek 800.000 boto inguru lortu dituzte, eta bi hauek ere hiru eserleku izango dituzte. Podemos 600.000 boto azpitik geratu da eta bi eserleku izango ditu. Azkenik, Junts+ eta Ceus (EAJ) alderdiek eurodiputatu bana lortu dute.
Honenbestez, EH Bilduko Pernando Barrena (Orain Errepublikak zerrendako bigarrena) eta EAJko Oihane Agirregoitia (Ceus-eko lehenengoa) eurodiputatuak izango dira.
2019ko hauteskundeetatik aldaketak
2019an 705 eurodiputatu ziren aukeratu beharrekoak eta horietatik 54 egokitu zitzaizkion Espainiari. Urtebete beranduago, 2020an, Brexitaren eraginez beste bost esleitu zitzaizkion Espainiari, guztira 59 izanik. 2024ko hauteskundeetan baina, egokitzapen gehiago egin dituzte, 720 eurodiputatu egongo dira herrialde bakoitzaren egungo biztanleriara egokitzeko, eta Espainiari beste bi esleitu dizkiote. Guztira beraz, 61 dira hauteskunde hauetan Espainiak aukeratu dituen eurodiputatuak.
