PSOE nagusitu da Bizkaian, EAJk gertutik jarraituta

122.000 boto eskuratu ditu PSOE Bizkaian, botoen %26 hain justu ere. Eta gora egin du 2019ko emaitzekin alderatuta. Ehuneko bat gutxiago (%25) lortu du EAJ, ia 118.000 botorekin; baina 100.000 boto galdu ditu Europako aurreko hauteskundeekiko. Hirugarren izan da EH Bildu 105.000 bototik gertu geratuta (%23). PP izan da laugarren alderdia ia 54.000 boto jasota (%12), 2019an baino 17.000 gehiago. VOXek ere gora egin du, eta 2019an Elkarrekin alderdiak lortu zituen botoetatik urruti geratu dira Sumar eta Podemos.