Ehuntze lanaren artea "aldarrikapen feministatzat" hartzea du xede, hain justu, Kalean Ehuntzeko Munduko Egunak, Kaleak gureak dira izenpean. Paisaian (Gipuzkoa) jaio zen mugimendua 2021ean, eta zabaltzen doa pixkanaka-pixkana, indarkeria matxistari aurre egitea helburu nagusia izanik. Hala, Debagoienean hiru herritan egin dituzte deialdiak ekainaren 8rako: Aretxabaletan, Danona tabernan, 10:00etatik 11:30era; Arrasaten, Seber Altube plazan, 10:30etik 12:00etara; eta Bergaran, Black3 dendan –Amillaga pabiloia–, 10:00etatik 13:30era.
Eragile eta erakunde batzuek, gainera, bat egin dute mugimenduarekin. Arrasateko San Juan de Dios Ospitaleko erabiltzaile batzuk, esate baterako, Arrasaten izango dira ehuntzen; ondoren, herriko espazioak "okupatuko" dituzte egunean zehar eta azken hilabeteotako tailerretan egindako sorkuntzekin. Hala, parte-hartzeko deia egin diete herritarrei.
