Maider Arregi Markuleta oñatiarra nagusitu zen atzo Gabirian eginiko saioan, 360,5 puntu erdietsita, eta 321,5 punturekin, berriz, bigarren egin zuen Aitor Tatiegi Loidi herrikideak. Sailkapen orokorrari dagokionez, honela gelditu zen: Maider Arregi Markuleta (360,5), Aitor Tatiegi Loidi (321,5), Uxue Fernandez Lasa (313,5), Aitor Zubikarai Salegi (313), Andoni Mujika Izagirre (307) eta Urko Egaña Calderon (298); hain justu, Oñatin bizi den azpeitiarra da Egaña.
Gabirian ez ezik, Zestoan ere egin zen saioa, eta Haizea Arana Cardelal bertsolari eskoriatzarra sailkatu zen lehenengo, 333 puntu eskuratuta; hirugarren egin zuen, berriz, Oihana Arana Cardenalek. Hurrenez hurren, zehazki, hau izan zen sailkapena: Haizea Arana Cardenal (333), Eneko Araiztegi Agirre (329,5), Oihana Arana Cardenal (319,5), Julen Zulaika Alkorta (316,5), Eneko Beretxinaga Laskurain (305) eta Amets Aizpurua Mancisidor (296).
