Maiatzaren 1ean Iruñera joateko autobusa antolatu du LAB sindikatuak, eta izena eman daiteke dagoeneko: Arrasaten, Iratin edo LABeko egoitzan; Bergaran, Arranon edo LABeko egoitzan; Eskoriatzan, Inkernun; Aretxabaletan, Arranon; eta Oñatin ere Arranon. Bestela, mezu bat bidali daiteke j.baranguan@lab.eus helbidera. Irteera lekuak eta ordua:
- Arrasate: 09:15.
- Elorregi: 09:25.
- Bergara: 09:35.
10:45 aldera iritsiko da autobusa Iruñera, eta 20:00etan izango da itzulera, Trinitariosen.
Egitaraua
11:30ean egingo du LABek manifestazioa Iruñean, eta Anaitasuna kiroldegian egingo dituzte ondorengo ekintzak: 12:30ean, ekitaldia; 13:30ean, jaialdia; 14:30ean, herri bazkaria; 16:30ean, Trikiteens eta Kaxkatu musika taldeen kontzertuak eta DJ Desi eta Presi.
