Gipuzkoa, Araba eta Bizkaiko hautesleen %51,03ak bozkatu du 18:00en aurretik. Gauzak horrela, jada parte-hartzea 2020ko hauteskundeetakoa baino handiagoa izan dela esan daiteke. Urte hartan hautesleen %50ak inguru eman zuen bere botoa. Aipatu beharrekoa da pandemiaren testuinguruan ospatu zirela hauteskunde horiek. Oraindik 20:00ak arte irekita egongo dira hauteslekuak, eta 21:00etan emango dituzte behin betiko parte-hartze datuak.
Gipuzkoako parte-hartzea %50,73koa izan da, Erkidegokoa baino baxuagoa. Hala ere, Debagoieneko herri gehienetan parte-hartzea EAEkoa baino altuagoa izan da:
- Leintz Gatzaga %53,53
- Eskoriatza %49,68
- Aretxabaleta %58,46
- Arrasate %47,14
- Bergara %56,82
- Oñati %54,32
- Antzuola %54,88
- Elgeta %56,68
- Aramaio %49,38
Aurtengo hauteskundeetan parte-hartze datuak kudeatzeko sistema aldatu du Eusko Jaurlaritzak. Sistema berriarekin datuak 13:00etan eta 18:00etan erregistratzen dira eta 14:00etan eta 19:00etan zabaldu; aurreko hauteskundeak baino ordubete beranduago. Horrenbestez, ezin daiteke bi hauteskundeen arteko alderaketa zuzenik egin.
