Otsailaren 18an Gallartan jokatutako Euskadiko Plater-Tiraketa Txapelketako saioan Juan Luis Nafarrate lehen postuan sailkatu zen, beterano mailan, 50 plateretatik 49 botata. Bigarrena izan zen Jabier Oruna arrasatearra 48 plater jota. Aramaioarra finalerako sailkatu bada ere, sailkapen orokorrean lehen postuan berdindu zuen Andriu Sancharekin. Berdinketa haustea jokatu behar izan zuten eta bigarren sailkatu zen aramaioarra.
Halaber, Iker Jauregi aramaioarrak ere hartu zuen parte domekako saioan eta 3. kategorian hirugarren postua erdietsi zuen 25 plateretatik 24 apurtuta.
