Azaldu dutenez, mezuaren igorleak zerga administrazioa dela simulatzen du, eta esteka bat eransten dio mezuari, errenta aitorpenaren itzulketa jasotzeko. Halere, Foru Ogasunak azpimarratu du errenta kanpaina ez dagoela aktibo une honetan, eta foru erakundeak, gainera, ez duela "informazio konfidentzialik" eskatzen: "Ez kontu zenbakirik, ez zergadunen txartel zenbakirik SMS bidez". Hala, jakinarazi dute beharrezko neurriak hartzen ari direla horrelako iruzur saiakerak ekidin daitezen.