Datorren astelehenean, urtarrilaren 15ean, sei urte beteko dituzte Euskal Herriko Pentsiodunen Mugimenduaren mobilizazioek, eta urteurrena ospatuko dute. "Laurogei plaza baino gehiagotan borrokatzea merezi izan duela adieraziko dugu, pentsioak murrizteko politikak zenbait arlotan aldatzea lortu dugula eta funtsezko aldarrikapenak oraindik egin gabe daudela". Horrez gain, topa egingo dute urtez urte plazetan borrokatzen aritu diren baina dagoeneko ez dauden pertsonengandik.
Lortutakoa eta lortu nahi dutena aintzat hartuta, oraindik indarra dutela azpimarratu dute eta, beraz, 2024an ere lanean jarraituko dutela. "Pentsio duinak, bidezkoak eta nahikoak behin betiko bermatzeko adorea eta itxaropena izango dugula ziurtatzen dugu, adinekoek eta pentsiodunek bizi baldintza duinak izango dituztela bermatzeko".