Selekzioko hautatzaile David Gordok eman du jakitera urtarrilaren 17an Italiaren kontrako lagunartekora begira eskura izango dituen jokalarien zerrenda, eta tartean dago Beñat Larrea (2006) futbol jokalaria. Antzuolarrak GOIENAri adierazi dio pozik hartu duela albistea. Hautatzaileak guztira 20 jokalariz osatutako zerrenda osatu du, eta datorren astelehenean kontzentrazioa hasiko dute denek, Las Rozasen bertan –urtarrilaren 17ko partidua ere bertan jokatuko dute (18:00)–. Hemen jokalari denen zerrenda.
Athleticek iaz fitxatu zuen atzelari antzuolarra, Bergaran jokatzen zebilenean. Deialdiaren berri izateaz batera, Larreak jokatu izan duen Antzuolako eta Bergarako futbol klubek harrobiko mutila izandakoa zoriondu dute.
Gure jokalari ohia den Beñat Larrea espainiako 18 urtez azpiko selekzioaren deialdian sartu da Italiaren aurkako lagunartekoa jokatzeko.
— Bergara Kirol Elkartea (@BergaraKE) January 10, 2024
Zorionak Beñat! Gozatu esperientzia! 🚀 pic.twitter.com/rl5aXvBSDo
𝔹𝕖𝕟𝕒𝕥 𝕃𝕒𝕣𝕣𝕖𝕒 Antzuolarra eta A.K.E.ko jokalari izandakoa Espainiako 18 urtez azpiko selekzioarekin Italiaren aurka lagunarteko bat jolasteko deitua izan da. Zorionak Beñat eta gozatu esperientzia.#antzuola pic.twitter.com/E3ZbPCvjmS
— antzuolaAKE (@AntzuolaAKE) January 10, 2024